De Kutenhulder Trachtensingers

Wi Trachtensingers sünd de Plattsnackers und Singers in unsern Heimat- und Kulturkreis. Dor unse plattdüütsche Sprook jo fast an’t Utstarben is, hebbt wi uns to Opgoof mokt, de plattdüütsche Sprook, so wi dat plattdüütsche Leedgoot (mit oole und ok nee’e Texte) opleben to loten und oprecht to erholn. Wi doot dor wat an, dat unse schöne plattdüütsche Sprook nich ünnergohn deith.

Und so wie de plattdüütsche Sprook, loot wi ok de Trachten, de fröher in unse Karkspeel drogen wor, wöör opleben. Dat seggt ok al unse Noom: „De Kutenhulder Trachtensingers“.
Nu to unse Tracht:
Wi Froons drägt de Sünndoogstracht, de in unse Karkspeel von 1880 bit 1920 droogen wor.
De Mannslüüd drägt eene Tracht von 2 Generationen. Dat Böverdeel (de Jack und West) wor bi uns üm 1860 und dorno drogen und de swarte Büx und de Prinz-Heinrich-Mütz üm 1900 und dorno.

Singen dot wi överall dor, wo man uns hüren müch. Bi Frünnen von annere Vereine, op Hochtieden, Geburtsdoogen, in Seniorenkreise, Altenheime, in de Kark und op unser egene Feste von Heimatverein.
Wer also Lust hett, mit uns to singen oder blots mol schnuppern müch, denn wees nich bang, kiek doch eenfach mol bi uns rin. Wi dän uns frein. Denn uns geih dat wi veele Vereine, uns fehlt de Nowass.
Wi övt alle 14 Doog an Dienstag Klock half 8 in’t Heimathuus op de Heidloh mit unsern Chorleiter Dr. H.-M. Kallenberger.

Utkunft gifft: Dr. Hans-Martin Kallenberger, Tel. 04166-1222
oder: Renate Teßmann 04762-8106

Comments are closed.